小學踢波，也開始睇波，後來因為球技太差，都係專注睇波。無論係踢定睇，將放學之後的時光、無數個星期六日交付予香港足球，中學時代，真係會覺得「只有有足球，就冇世界末日」。

上大學之後工作忙碌，對於本地波的熱誠，都無昔日高漲，唯獨香港隊仍然令人著迷。每一場世界盃都睇得揪心，總覺得無香港隊的賽事，好睇極都只是電視節目。

這種熱愛真的沒有減退，甚至愈來愈強。少睇港超，所以更珍惜每場港隊比賽，唔止主場，作客都好想去。以前未長大，出國睇波很困難，當大家去不丹、去北韓、去馬爾代夫，我就喺香港搞睇波；有機會賺外快時，已決心盡可能跟球隊走遍世界各地。

印尼治安不佳，公事也繁忙，一直都十五十六，不如年尾東亞盃鳩鳩地去個台灣就算？下定決心的一下，是以為無電視台會轉播亞運會，如果連電視都無得睇，實在想死。

十幾年，球場內外恩怨總有一日要完，希望也不要再有咩恩怨了，睇波為開心，為自己，有啲交鬧嚟好無謂，讓我們一笑泯恩仇，一握手做朋友，一舉手撐香港隊。

問朋友借張信用卡book幾日碌架床，再買下一張單程機票，香港隊走幾遠，就走幾遠。係為睇波，為支持球隊，但更多嘅部分，係自我實現，捉緊青春的尾巴，做場上唯一（or二三四五六）個作客球迷。